Suna hai saal badle ga,

Haal fir wahi hoga,

Dard fir wahi rahe ga,

Tum fir wahi raho ge,

Mai fir wahi rahu gi,

Natija fir wahi hoga,

Dil fir wahi toote ga,

Suna hai saal badle ga,

Parinde fir wahi honge,

Shikari jaal badle ga,

Badalna hai tu tum badlo,

Logo ko badalte kyu ho,

Jhukna hai tu khud jhuko,

Logo ko jhukate kyu ho,

Sach janna hai tu khud jano,

Logo se pouchte kyu ho,

Aitebaar karna hai tu khud karo,

Dusron ko karwate kyu ho,

Suna hai saal badle ga,

Mahine fir wahi honge,

Din fir wahi rahenge,

Wahi hakim,wahi malik,wahi gurbat wahi ameeri,

Wahi katil, wahi gazib,wahi chor ,wahi daku,

Wahi ustaaz, wahi shagird, suna hai saal badle ga,

Hoga wahi sab purana jo hote chala aa rha hai,

Bas suna hai saal badle ga,

Nhi badle gi logo ki soche,

Nhi badle ge logo ke rawaiye,

Nhi badle ge logo ke haalat,

Nhi badle ge logo ke taane,

Suna hai saal badle ga,

Nhi badle gi hamari sochien,

Nhi badle ge ham aur tum,

Nhi badle gi hamari kismatien,

Suna hai saal badle ga,

Nhi badle gi haathon ki lakirien ,

Nhi badle gi hamari taqdeerien,

Nhi badle ga hamara mashra,

Nhi badle gi ameeron ki soche,

Nhi badle ge gareebon ke haalaat,

Kabhi socha hai ki kab badle ga haal hamara,

Suna hai bas itna ki saal badle ga,

Na jaane kab hamara haal badle ga,

Suna hai saal badle ga.

…HAPPY NEW YEAR…

You Might Also Like These:

Saal ki Nayi Shaan Hogi

Naya Saal Guzre Ga

Guzar Jaye Ye Saal Bhi

Naya Saal Jald Hi Aaye

Happy New Year

Happy New Year 2 Line Shayari